Одделение за анестезија

Анестезиолозите во Градската хируршка болница „Свети Наум“ – Скопје обезбедуваат врвна анестезиолошка грижа за пациенти од Скопје и пошироко, како регионален центар на терциерно медицинско ниво. Годишно се згрижуваат над 4000 пациенти при хируршки процедури, а повеќе од 4500 пациенти се лекуваат во одделот за интензивно лекување и постоперативна нега. Тимот го сочинуваат осум специјалисти по анестезиологија, шест специјализанти, еден доктор по медицина и десет медицински сестри-анестетичарки. Во секојдневната работа учествуваат и специјализанти од сродни области, техничари и сестри во интензивно лекување и периоперативна нега, обезбедувајќи високо ниво на здравствена заштита.

Работата е организирана според потребите на одделот за следните дејности:

• Обезбедување анестезија за различни хируршки гранки: трауматологија, неврохирургија, абдоминална хирургија, урологија, васкуларна хирургија, детска хирургија, пластична и реконструктивна хирургија.
• Предоперативна проценка и подготовка на пациентите.
• Постоперативен менаџмент и периоперативна медицина.
• Периоперативен третман на болка.
• Интензивно лекување на критично болни пациенти.
• Специјализиран третман и нега на пациенти со опсежни изгореници.