Одделение за абдоминална хирургија – женско 

Одделот за висцерална и абдоминална хирургија А при Универзитетската за хируршки болести “Св. Наум Охридски” – Скопје функционира од основањето на Клиниката за хируршко лекување на пациенти со општохируршка и абдоминална патологија. Одделението е посветено на современ третман на акутни, хронични и онколошки состојби во абдоминалната регија, со употреба на најнови техники и современ инструментариум.

Основни услуги и активности:

• Амбулантски прегледи и проценка на пациенти
• Елективни и ургентни хируршки интервенции
• Специјализирани лапароскопски и отворени хируршки процедури

Одделението располага со 6 доктори специјалисти и 2 супспецијалисти, од кои еден со академско звање Доцент на Медицинскиот факултет при Универзитетот „Св. Кирил и Методиј“ – Скопје. Тимот ја комбинира медицинската експертиза со современи техники, со цел да обезбеди сигурна, прецизна и грижлива хируршка нега.

Елективна хирургија:

Одделението изведува планирани оперативни зафати од различни области, како што се:

• Хирургија на езофагусот (бенигни и малигни состојби)

• Хирургија на дијафрагма

• Поправка на абдоминални хернии (вродени, стекнати, пост-инцизионални)

• Хируршки третман на желудник, тенко и дебело црево поради тумори, воспаленија, стенози, опструкции

• Операции на билијарниот систем (жолчка и патишта)

• Хирургија на слезенка и одредени интервенции на панкреас

• Лапароскопски интервенции кај избрани случаи

• Други интервенции на гастроинтестиналниот тракт

Ургентна хирургија:

Тимот реагира брзо и ефикасно при:

• Трауматски повреди на абдоменот и внатрешни органи (во рамки на изолирани или политрауматски состојби)

• Ургентни воспалителни или онколошки состојби

• Опструкции на дигестивниот или билијарниот систем

• Други акутни абдоминални компликации