Одделение за Неврохирургија

Одделението за неврохирургија при Универзитетската клиника за хируршки болести „Св. Наум Охридски“ – Скопје е современо организирана единица посветена на дијагностика, лекување и хируршки третман на заболувања и трауми од областа на неврохирургијата, невротраумата и спиналната хирургија. Стручниот тим на одделението вклучува искусни неврохирурзи и медицински кадар кој применува најнови оперативни техники и грижа базирана на медицинска експертиза, професионализам и емпатија кон пациентите.

Невротраума:

Одделението врши итен и плански третман на сите видови краниоцеребрални повреди, вклучувајќи:

• Скршеници на черепот (линеарни, импресивни, отворени, затворени, фронтобазални)

• Внатречерепни хематоми (епидурални, субдурални, интрацеребрални)

• Повреди на мозочно ткиво (комоции, контузии, лацерации)

• Инфекции како абсцеси и други компликации

Неврохирургија:

Во рамките на неврохируршкиот сегмент се изведуваат:

• Третман на хидроцефалус со имплантација на дренажа (Pudens систем)

• Хируршко лекување на мозочни тумори, метастази и цистични формации

• Отстранување на коскени тумори (остеоми) на краниумот

• Третман на заболувања на периферните нерви на екстремитетите

• Изведување на трахеотомии

• Интервенции за дизрафични аномалии на 'рбетот

Спинална хирургија:

Одделението располага со целосна експертиза за:

• Третман на дискус хернија во вратен, торакален и лумбален дел на 'рбетот (на едно или повеќе нивоа)

• Спинални стенози и спондилолистези

• Повреди и скршеници на 'рбетниот столб, вклучително и остеопоротични скршеници

• Вертербопластика – минимално инвазивна интервенција

• Хируршки третман на тумори и патолошки состојби на 'рбетот